हुण्डी कारोबारमा संलग्न रहेको आरोपमा दुई जनालाई प्रहरीले पक्राउ गरेको छ ।
जिल्ला प्रहरी कार्यालय बाराबाट खटिएको प्रहरी टोलीले विशेष सूचनाको आधारमा सोमबार जिल्लाको बिश्रामपुर गाउँपालिका वडा नम्बर ४ मुसहर्वा स्थित सडक खण्डमा हरिकिशोर प्रसाद पटेलले प्रदेश २-०३-०१६ प २३३७ नम्बरको मोटरसाईकलमा भारतबाट नेपालमा लुकाई छुपाई गरि ल्याउने क्रममा श्रोत नखुलेको अवैध रकम सहित पक्राउ गरेको हो ।
पक्राउ पर्नेमा मोटरसाइकल चालक पर्साको पोखरिया नगरपालिका वडा नम्बर १ बनकटवा बस्ने असर्फि राउत कुर्मीको छोरा ३४ वर्षीय हरिकिशोर प्रसाद पटेल र बाराको महागढीमाई नगरपालिका वडा नम्बर १ बस्ने राजिन्द्र महतो कोईरीको छोरा ४२ वर्षीय रमेश प्रसाद कुशवाहा रहेका छन् ।
पटेलले दिएको बयानका आधारमा यसमा संलग्न कुशवाहालाई पनि सोमबार नै नियन्त्रणमा लिइएको प्रहरीले जनाएको छ ।
प्रहरीका अनुसार पटेलको साथबाट विभिन्न दरको नेपाली रू.१३ लाख ५० हजार रुपैयाँ बरामद भएको छ ।
उनिहरुको सथाबाट ४ थान मोबाइल पनि बरामद गरिएको छ ।
उनिहरुलाई नियन्त्रणमा लिई थप आवश्यक अनुसनधान कार्य भई रहेको बाराका प्रहरी प्रमुख एवम् प्रहरी उपरीक्षक सुरेश प्रसाद काफ्लेले पत्रकार सम्मेलन आयोजना गरि यसबारे जानकारी दिएका छन् ।
