वीरगञ्ज । जिल्ला प्रहरी कार्यालय पर्साले प्रतिबन्धित लागूऔषध गाँजासहित एक जनालाई पक्राउ गरेको छ ।
पर्साको पटेर्वासुगौली गाउँपालिका वडा नम्बर ४ भथौडाबाट प्रहरीले २३ वर्षीय अमित कुमार चौधरीलाई पक्राउ गरेको हो । विशेष सूचनाको आधारमा खटिएको टोलीले चौधरीको गाईगोठमा लागुऔषध गाँजा लुकाई छिपाई राखिएको पाइएको हो ।
प्रहरीले गोठबाट ७ पोकामा २२ किलो ४९० ग्राम लागुऔषध गाँजा फेला पारेको पर्साका प्रवक्ता प्रहरी नायब उपरीक्षक दीपक भारतीले जानकारी दिए । उनकाअनुसार चौधरीविरुद्ध लागुऔषध सम्बन्धी कसूरमा आवश्यक अनुसन्धान भइरहेको छ ।
