वीरगञ्ज । सशस्त्र प्रहरी बल नेपाल नम्बर १३ गण हेडक्वार्टर पर्साबाट खटिएको टोलीले वीरगञ्ज महानगरपालिका वडा नम्बर १९ स्थित विन्दवासिनी मन्दिर अगाडि अवैध रुपमा भारतबाट पैठारी गरी नेपालतर्फ ल्याउँदै गरेको मुल्य रु. ३ लाख बराबरको ३ हजार गोटा प्रतिबन्धित बोइलर कुखुराका चल्ला बरामद गरेको छ।
बरामद गरिएका चल्लाहरूलाई पशु क्वारेन्टाइन पर्साका प्रतिनिधि, स्थानीय जनप्रतिनिधि, ग्रामिण कुखुरा व्यवसायी संघका प्रतिनिधि तथा स्थानीय सञ्चारकर्मीको रोहबरमा सशस्त्र प्रहरी बल नेपाल नम्बर १३ गण हेडक्वार्टर पर्साको परिसरभित्र खाल्डो खनी पुरेर नष्ट गरिएको छ।सशस्त्र प्रहरीको यो कारबाहीले अवैध तस्करी नियन्त्रणमा मद्दत पुग्ने विश्वास लिइएको छ। स्थानीय प्रशासनले अवैध वस्तुहरू भित्र्याउने विरुद्ध थप कडा कदम चाल्ने तयारी गरिरहेको जनाएको छ।
