ईलाका प्रहरी कार्यालय सिमराका प्रमुख एवम् प्रहरी नायब उपरिक्षक (डीएसपी) चिरन्जीवी दाहालको प्रहरी प्रधान कार्यालयले सरुवा गरेको छ ।
करिब १० महिना अघि सिमरा बारा आएका दाहाललाई जिल्ला प्रहरी कार्यालय गुल्मीमा पठाइएको प्रहरी प्रधान कार्यालयको स्रोतले जानकारी गराएको छ ।
दाहालको ठाउमा इलाका प्रहरी कार्यालय सिमरा बारामा प्रहरी नायब उपरिक्षक (डीएसपी) शुभद्रा लामा वाईवालाई पठाईने प्रहरी प्रधान कार्यालयले जनाएको छ । वाईबा सिमराको पहिलो महिला प्रहरी प्रमुख बन्ने भएकी छिन ।
प्रहरी प्रधान कार्यालयमा कार्यरत वाईवाले महिला नेतृत्वको नयाँ आयामको सुरुआत गर्ने अपेक्षा गरिएको छ । २०७० सालमा नेपाल प्रहरीमा निरीक्षक पदबाट सेवा सुरु गरेकी वाईवा २०८० सालको जेठमा डीएसपीमा बढुवा भएकी थिइन्। सिमरामा प्रहरी नेतृत्व गर्ने पहिलो महिला भएकाले यो कदमलाई ऐतिहासिक मानिएको छ ।
यता सिमराका डिएसपी दाहालको तीन महिनाको वाँकी अवधी नपुगी प्रहरी प्रधान कार्यालयले सरुवा गर्नुलाई निकै अर्थपुर्ण रुपमा हेरिएको छ । ईप्रका सिमराकै कार्यालय सहयोगी राजकुमार रुम्बा हत्या भएको र हत्यामा संलग्न रहेको आरोपमा तीन जनालाई सार्वजनिक गरेकै दिन उनको सरुवा भएको हो ।
रुम्बा हत्या प्रकरणको अनुसन्धानकै क्रममा उनलाई प्रहरी प्रधान कार्यालयले सरुवा गर्नुमा रुम्बा हत्या प्रकरण र घटनाको अनुसन्धानलाई जोडेर नै उनको सरुवा भएको हुनसक्ने धेरैले अनुमान गरेका छन ।
