बारा प्रहरीले दुई लाख १९ हजार आठ सय ४० रुपैयाँ बराबरको अबैध सामान सहित साईकल नियन्त्रणमा लिएको छ ।
विशेष सूचनाको आधारमा जिल्ला प्रहरी कार्यालय बाराका मातहत तथा प्रहरी ईकाइ कार्यालयहरूबाट खटिएको प्रहरी टोलिले जिल्लाको विभिन्न स्थानमा गाडिहरूलाई रोकी जाँच गर्ने क्रममो अबैध सामान सहित साईकल नियन्त्रणमा लिइएको हो ।
विल विजक भन्दा बढि सामानको स्रोत खुलाउन नसकेको प्रहरीले जनाएको छ ।
प्रहरी चौकी मटिअर्वाबाट खटिएको प्रहरी टोलिले जिल्लाको कलैया उप–महानगरपालिका वडा नम्बर १० स्थित चेकिङ्ग गर्ने क्रममा मधेस प्रदेश २–०३–००१ह२७७९ नम्बरको अटोलाई रोकी जाँच गर्दा अन्दाजी मूल्य रु.एक लाख बराबरको भन्सार छलीका कपडाहरू बरामद गरेको छ ।
उक्त अटोबाट पाईन्ट सर्ट २० पिस,टोपी ५० पिस,लहंगा २ पिस,परि ड्रेस १ पिस,पेटिकोट ३२ पिस,रेडिमेन्ट पाईन्ट सर्ट २÷२ पिस,साडी ३४ पिस र कुर्ता सलवार १ पिस कपडाहरु प्रहरीले बरामद गरेको छ।
त्यस्तै प्रहरी चौकी मुसहर्वाबाट खटिएको प्रहरी टोलिले जिल्लाको बिश्रामपुर गाउँपालिका वडा नम्बर ४ बलिरामपुरस्थित भारतबाट नेपालतर्फ १२ वटा साईकलमा भन्सार छली गरी ल्याउदै गरेको तरकारी प्रहरी टोलिलाई देखी उक्त तरकारी र साईकल फाली मानिस फरार रहेकोले प्रहरीले जनाएको छ।
उक्त साईकल र तरकारी अन्दाजी मूल्य ७२ हजार रुपैयाँ बराबरको रहेको छ ।
त्यसैगरी प्रहरीले जिल्लाको बिश्रामपुर गाउँपालिका वडा नम्बर ४ खुदिया टोल स्थित भारतबाट नेपालतर्फ टाऊकोमा बोकी भन्सार छली गरी ल्याउदै गरेको किराना सामानहरु बरामद गरेको छ।
प्रहरी टोलिलाई देखी उक्त किराना समानहरु फाली मानिस फरार रहेको र किराना समानहरु अन्दाजी मूल्य रु. ३० हजार आठ सय ४० रुपैयाँ बराबरको रहेको प्रहरीले जनाएको छ।
प्रहरी चौकी कचोर्वाबाट खटिएको प्रहरी टोलिले जिल्लाको सिम्रौनगढ नगरपालिका वडा नम्बर ९ बसबरिया स्थित भारतबाट नेपालतर्फ टाऊकोमा बोकी ल्याउदै गरेको भन्सार छलीका समान बरामद गरेको छ।
उक्त समानहरू प्रहरीलाई देखी समान फाली मानिस फरार रहेकोले र समान अन्दाजी मूल्य १७ हजार रुपैयाँ बराबरको रहेको प्रहरीले जनाएको छ
।
