वीरगञ्ज । हुण्डी कारोबारमा संलग्न रहेको भन्दै पर्सा प्रहरीले एक भारतीय नागरिकलाई पक्राउ गरेको छ ।
विशेष सूचनाको आधारमा भारत बिहार पश्चिमी चम्पारण जिल्ला वेतीया ग्राम ईनरूवा बजार बस्ने बर्ष ३२ का सिताराम प्रसाद कुशवाहालाई पाँच लाख पचास हजार नगदसहित पक्राउ गरिएको हो ।
प्रहरीका अनुसार बिहीबार साढे १ बजे पर्साको जगरनाथपुर गाउँपालिका वडा नं.५ मसियानी स्थित म.प्र.०३-०२६ प ५५९२ नम्बरको मोटरसाइकलमा सवार कुशवाहालाई रोकी खानतलासी गर्दा श्रोत खुल्न नसकेको रकम बरामद भएको थियो ।
मोटरसाइकलको दाहिने कार्वोरेटरभित्र लुकाई छिपाई राखिएको स्रोत नखुलेको नेपाली रु.१००० दरको नोट ५०० थान र रु.५०० दरको नोट १०० थान गरी जम्मा पाँच लाख पचास हजार रुपैयाँसहित कुशवाहालाई नियन्त्रणमा लिई निज विरुद्ध बैंक तथा वित्तीय संस्था सम्बन्धी ऐन, २०७३ बिरूद्वको कसूरमा थप अनुसन्धान भइरहेको प्रहरीले जनाएको छ ।
