बारा प्रहरीले एक सय ९५ कार्टुन चाईनिज तास सहित पिक अप गाडी नियन्त्रणमा लिएको छ ।
विशेष सूचनाको आधारमा आइतबार जिल्ला प्रहरी कार्यालय बाराबाट खटिएको प्रहरी टोलीले जिल्लाको कलैया उप–महानगरपालिका वडा नम्बर १४ बघवनबाट सो भ्यान नियन्त्रणमा लिएको हो ।
वीरगंजबाट बरियारपुर तर्फ जादै गरेको ना ५ च १८०१ नम्बरको पिकअप गाडीलाई रोकी जाँच गर्ने क्रममा प्रहरीले एक सय ९५ कार्टुन चाईनिज तास बरामद गरेको हो ।
पिकअप गाडी समेत प्रहरीले नियन्त्रणमा लिएको हो । पिकअप गाडीमा बिल बिजकसंग नमिलेको १ सय ९५ कार्टुन चाईनिज तास अन्दाजी मुल्य रू. दुई लाख बहतर हजार रुपैयाँ बराबरको रहेको प्रहरीले जनाएको छ ।
उक्त चाईनिज तास सहित पिकअपलाई नियन्त्रणमा लिई आवश्यक कारवाहीको लागी आन्तरिक राजश्व कार्यालय,पथलैयामा पठाईएको जिल्ला प्रहरी कार्यालय बाराका प्रवक्ता एवम् प्रहरी नायब उपरीक्षक प्रकाश सापकोटाले जानकारी दिएका छन् ।
