बिरगंज ,१७ भदौ।
सशस्त्र प्रहरी बल पर्साले १७ लाख ६४ हजार २ सय २ रुपैया बराबरको भन्सार छलीका विभिन्न सामानहरु बरामद गरेको छ।
भदौ १६ गते पर्साको बिरगंज म.न.पा.-१६ स्थित ईनर्वाका बिभिन्न सीमा नाकाहरुबाट सशस्त्र प्रहरी बल नेपाल प्रस्तावित सिमा सुरक्षा गुल्म बिरगंजबाट सशस्त्र प्रहरी नायब उपरीक्षक सुरज रिजालको कमान्डमा खटीएको टोलिले भारतबाट अबैध रुपमा भन्सार छली बिभिन्न सार्बजनिक सवारी साधनमा लोड गरी नेपाल तर्फ ल्याउदै गरेको कपडा, हार्डवेयर, मोबाईल एसेसोरिज तथा किराना सामानहरु बरामद गरेको पर्सा सशस्त्रका प्रवक्ता डिएसपी देबेन्द्र बहादुर सिंहले जानकारी दिए।
प्रवक्ता सिंहका अनुसार बरामद गरिएको रु.१७ लाख ६४ हजार २ सय २ बराबरको कपडा, हार्डवेयर, मोबाईल एसेसोरिज लगायत किराना सामानहरु आवश्यक कारबाहिको लागि बिरगंज भन्सार कार्यालयमा बुझाएको हो।
44
