पर्सा प्रहरीले ३७ लाखभन्दा बढी मूल्यका खुद्रा सामान लोड गरेको ट्रक नियन्त्रणमा

बिरगंज ,२७ कार्तिक ।पर्सा प्रहरीले ३७ लाखभन्दा बढी मूल्यका खुद्रा सामान लोड गरेको ट्रक नियन्त्रणमा लिई राजस्व अनुसन्धान कार्यालयमा बुझाएको छ।विशेष सूचनाका आधारमा जिल्ला प्रहरी कार्यालय पर्साले २०८१/०७/२६ गते राति १०:५० बजे वीरगञ्ज महानगरपालिका–८ स्थित घण्टाघर चोकमा ना.५ ख ६७४७ नम्बरको मालबाहक ट्रक नियन्त्रणमा लिएको छ। ट्रकमा बिल विजकमा उल्लेखितभन्दा बढी मूल्यका खुद्रा सामान र औषधीहरू वीरगञ्जबाट रूपन्देही लैजाने तयारीमा रहेको थाहा पाएपछि प्रहरीले उक्त ट्रकलाई नियन्त्रणमा लिएको हो।ट्रकमा मूल्य रु. ३७ लाख ५२ हजार ८ सय ८६ बराबरका सामान रहेको पाइएको र थप अनुसन्धान तथा कारबाहीका लागि सामानसहित ट्रकलाई राजस्व अनुसन्धान कार्यालय, पथलैया बारामा बुझाइएको जिल्ला प्रहरी कार्यालय, पर्साका प्रवक्ता डिएसपी दिपक भारतीले जानकारी दिए।