इन्स्पेक्टर भन्दै धम्की दिने युवक लागुऔषधसहित समातिए

सर्लाहीको मलंगवा नगरपालिका–१० स्थित साहारा गेष्ट हाउसबाट होटल सञ्चालकलाई धम्की दिने युवक पक्राउ परेका छन् ।नेपाल प्रहरीको ब्यूरो इन्स्पेक्टर भएको झुटो परिचय दिँदै धम्की दिने सर्लाहीको हरिवन नगरपालिका– ६ का २९ वर्षीय अनुक्रम खरेल पक्राउ परेका हुन् ।बुधबार साँझ करिब पाँच बजे होटलमा एक व्यक्तिले आफू प्रहरी अधिकृत भएको बताई अनुचित व्यवहार गरिरहेको सूचना पाएपछि जिल्ला प्रहरी कार्यालय सर्लाहीबाट खटिएको थियो ।उनी नेपाल प्रहरीसँग कुनै सम्बन्ध नभएको पुष्टि भएपछि प्रहरीले शरीर खानतलासी गर्दा उनको साथबाट प्रतिबन्धित लागू औषध स्पास्मो प्रोक्सिभनका ३ पत्ता (२४ ट्याबलेट) फेला पारेको हो ।खरेललाई नियन्त्रणमा लिई लागू औषध सम्बन्धी मुद्दामा थप अनुसन्धान अघि बढाइएको सर्लाहीले जनाएको छ ।