कलैया । बारा प्रहरीले लागु औषध चरेस जस्तो पदार्थ सहित शनिबार एक जनालाई नियन्त्रणमा लिएको छ।
मकवानपुरको थाहा नगरपालिका वडा नं. ०६ ब्रर्जबारे बस्ने ३८ वर्षीय दशरथ थिङलाई नियन्त्रणमा लिएको जिल्ला प्रहरी कार्यालय बाराका प्रवक्ता एवम् प्रहरी नायब उपरीक्षक विजयराज पण्डितले जानकारी दिएका हुन्।
बाराको जीतपुर सिमरा उप–महानगरपालिका वडा नं. २१ स्थितमा १५० सि.सि. को पल्सर मोटरसाईकलमा लागू औषध चरेस बोकी हिडिरहेको भन्ने बिशेष सुचनाको आधारमा प्रहरीले थिङ्गलाई नियन्त्रणमा लिएको हो।
ईलाका प्रहरी कार्यालय अमलेखगंजबाट प्रहरी बरिष्ठ नायब निरीक्षक टेकबहादुर कार्कीको कमाण्डमा खटिएको टोलीले उनलाई नियन्त्रणमा लिएको हो।
हेटौडाबाट वीरगंज तर्फ जाँदै गरेको बा ४८ प ९३३ नम्बरको मोटरसाईकलाई फ्लोअप गर्दै नियन्त्रणमा लिई जाँच गर्दा सिटमुनी लुकाई छिपाई राखिएको लागु औषध चरेस जस्तो देखिने पदार्थको पोका फेला परेको हो।
उक्त लागु औषध चरेस जस्तो देखिने पदार्थ डिजिटल तराजुमा प्लाष्टिक सहित तौल गर्दा ११.६८ किलो ग्राम रहेको छ।
लागु औषध चरेस जस्तो देखिने पदार्थ,मोटरसाईकल र थिङ्गलाई नियन्त्रणमा लिई आवश्यक कानूनी कारवाहीको प्रकृया अगाडी बढाएको प्रनाउ पण्डितले जानकारी दिए।
