गरिबका छोराछोरीको भविष्यसँग खेलबाड ! विश्रामपुरका युवाको सूचना माग — विद्यालयको अनियमितता उजागर गर्ने अभियान सुरु

बारा । शिक्षामा भइरहेको चरम अनियमितता र उदासीनता विरुद्ध विश्रामपुर गाउँपालिकाका युवा बिराज यादवले सूचनाको हक ऐन प्रयोग गर्दै गाउँपालिकाका सबै विद्यालयसम्बन्धी विवरण माग गर्दै औपचारिक निवेदन दर्ता गरेका छन्।उनले २०८१ सालमा एसईई (SEE) परीक्षा दिएका विद्यार्थीहरूको नतिजा, विद्यालय व्यवस्थापन समिति, प्रधानाध्यापक, र शिक्षकहरूको परिचयपत्र सहितका सम्पूर्ण विवरण माग गरेका छन्। यादवले भनेका छन्, “निशानपुर लगायतका विद्यालयहरूमा तीन–तीन जना मात्र विद्यार्थी पास हुनु — यो शिक्षाको अपमान हो। शिक्षकले जिम्मेवारी नलिँदा गरिबका छोराछोरीको भविष्य अन्धकारमा परेको छ।”यस्तो साहसी कदमले गाउँपालिकामा पारदर्शिता र जवाफदेहिताको मागलाई तीव्र बनाएको छ। यादवले यसलाई व्यक्तिगत स्वार्थ नभई शैक्षिक सुधारको जनअभियानको रूपमा अघि बढाइरहेका छन्।स्थानीय बासिन्दाहरूले पनि उनको यो कदमलाई ‘सिस्टम हल्लाउने युवाको आवाज’ भन्दै स्वागत गरेका छन्। नेपालभरका युवाहरूले समेत सूचनाको हक प्रयोग गरेर विद्यालयमा भइरहेको भ्रष्टाचार, लापरबाही र मनपरीतामा आवाज उठाउनुपर्ने माग उठाएका छन्।👉 “शिक्षकले तलब लिन्छन्, तर विद्यार्थी असफल हुन्छन् — अब प्रश्न सोध्ने समय आएको छ,” बिराज यादवको कडा चेतावनी।