बिश्रामपुर गापा–४ बलिरामपुर बोर्डरमा सशस्त्र प्रहरी बलको २५औँ स्थापना दिवसको अवसरमा झण्डा मार्च हस्तान्तरण

पर्सा/बारा — बिश्रामपुर गाउँपालिका वडा नं. ४ स्थित बलिरामपुर बोर्डरमा सशस्त्र प्रहरी बल नेपालको २५औँ स्थापना दिवसको अवसरमा पूर्व–पश्चिम झण्डा मार्च तथा विशेष कार्यक्रम सम्पन्न भएको छ।कार्यक्रममा बिश्रामपुर गाउँपालिका अध्यक्ष जुल्फकार अली भुट्टो प्रमुख अतिथिका रूपमा सहभागी हुनुहुन्थ्यो। विशिष्ट अतिथिहरूमा जिल्ला प्रशासन कार्यालय पर्साका प्रमुख जिल्ला अधिकारी भोला दाहाल तथा जिल्ला प्रहरी कार्यालय पर्साका प्रमुख प्रहरी उपरीक्षक सुदीप राज पाठकको उपस्थिति रहेको थियो।साथै, सशस्त्र प्रहरी बल नेपाल नं. १३ गणका सशस्त्र प्रहरी उपरीक्षक पुरणचन्द्र भट्ट, सशस्त्र प्रहरी बल नं. १२ गणका डिएसपी विक्रममणि, भारतीय सीमा सुरक्षा बल (SSB) सहदेवा ४७ बटालियन ‘एल’ कम्पनीका उत्तम कुमार सिंह, रजक मिश्रलगायतको सहभागिता रहेको थियो।झण्डा मार्च तथा औपचारिक कार्यक्रम सशस्त्र प्रहरी बल बारा र पर्साबीच हस्तान्तरणसहित करिब १५० देखि १६० जनाको सहभागितामा सम्पन्न भएको हो। कार्यक्रम आज दिउँसो १४:०० बजे औपचारिक रूपमा समापन भएको जनाइएको छ।