दान गरिएको जग्गामा बनेको माधवनारायण नगरपालिकाको भवन अन्तिम चरणमा, छिट्टै सञ्चालनमा

रौतहट — माधवनारायण नगरपालिकाका नगरप्रमुख बैजनाथ प्रसाद यादवले दान गरेको करोडौँ रुपैयाँ मूल्य बराबरको निजी ५ कठ्ठा जग्गामा निर्माण भइरहेको नगरपालिका भवन अन्तिम चरणमा पुगेको छ। भवन अब केही दिनमै औपचारिक रूपमा सञ्चालनमा आउने तयारीमा छ।लामो समयदेखि चुनावी एजेन्डाको रूपमा उठ्दै आएको नगरपालिका भवन निर्माण अब बहसको विषय नभई विकासको ठोस नतिजाका रूपमा देखिएको छ। नगरप्रमुख यादवले आफ्नो निजी जग्गा दान गरी निर्माण कार्य अघि बढाएपछि नगरपालिकाको भवनसम्बन्धी समस्या स्थायी रूपमा समाधान हुने दिशामा पुगेको हो।नयाँ भवन सञ्चालनमा आएपछि नगरपालिकाका प्रशासनिक सेवा एकै स्थानबाट प्रवाह हुनेछन्, जसले सेवाग्राहीलाई सहजता प्रदान गर्ने अपेक्षा गरिएको छ। यससँगै नगरपालिका भवन निर्माणसम्बन्धी एजेन्डा स्वतः समाप्त भएको नगरपालिकाले जनाएको छ।