परवानीपुरमा आमा–छोराको नृशंस हत्या, तीन जना घाइते

बारा — बाराको परवानीपुर गाउँपालिका–१ रहरियाडीमा बुधबार बिहान अत्यन्तै दर्दनाक घटना भएको छ। अज्ञात समूहको आक्रमणबाट एक आमा र छोराको हत्या भएको छ भने सोही परिवारका अन्य तीन सदस्य घाइते भएका छन्।मृतकमा ३२ वर्षीय रामेश्वर मण्डल र उनकी ५२ वर्षीया आमा सुमित्री देवी रहेका छन्। प्रहरीका अनुसार बिहान करिब ३ बजेतिर धारिलो हतियार प्रयोग गरी उनीहरूको हत्या गरिएको हो।घटनामा घाइते भएका तीन जनाको परवानीपुरस्थित एलएस न्युरो अस्पतालमा उपचार भइरहेको छ। उनीहरूको स्वास्थ्य अवस्थाबारे थप विवरण आउन बाँकी रहेको प्रहरीले जनाएको छ।हत्या कसले र के कारणले गरेको भन्ने विषय हालसम्म खुल्न सकेको छैन। जिल्ला प्रहरी कार्यालय बाराका अनुसार घटनाको गहिरो अनुसन्धान सुरु गरिएको छ र दोषी पहिचानका लागि प्रहरी टोली परिचालन गरिएको छ।घटनापछि स्थानीय क्षेत्र शोक र त्रासको वातावरणमा रहेको छ।