बिश्रामपुर गाउँपालिकाको कान्तिपुर टोलमा विवादित नाला निर्माण सुरु, स्थानीय खुशी

बारा, बिश्रामपुर — बारा जिल्लाको बिश्रामपुर गाउँपालिका वडा नम्बर २ अन्तर्गत कान्तिपुर टोलमा लामो समयदेखि विवादित रहँदै आएको नाला निर्माण कार्य सुरु गरिएको छ। गाउँपालिका गठन भएको करिब ८ वर्षपछि जगदीश पटेलको घरदेखि नहरीसम्म दुवै तर्फको नाला निर्माण भइरहेको स्थानीय बासिन्दाहरूले बताएका छन्।गाउँपालिका अध्यक्ष जुल्फकार अली भुटो, समाजसेवी कृष्णा साह, वडा नम्बर २ का वडा अध्यक्ष मनोज यादव, कार्यपालिका सदस्य मनजुर आलम तथा स्थानीयहरूको सहकार्यमा नाला निर्माण कार्य अघि बढाइएको हो।स्थानीय जनप्रतिनिधि तथा बासिन्दाहरूका अनुसार नाला निर्माण गुणस्तरीय रूपमा भइरहेको छ। लामो समयदेखि पानी निकासको समस्या भोग्दै आएका स्थानीयहरू नाला निर्माण कार्य सुरु भएपछि खुसी देखिएका छन्।स्थानीयहरूले यो नाला निर्माणले बाढी, जलजमाव तथा सरसफाइ सम्बन्धी समस्या कम हुने अपेक्षा गरेका छन्।