सनसनीपूर्ण खुलासा: नागरिकता, सम्पत्ति र शक्ति एउटै परिवारको कब्जामा?

देशको राष्ट्रिय सुरक्षालाई नै चुनौती दिने खालको गम्भीर आशंका सार्वजनिक भएको छ। एउटै खानदानका ६ दाजुभाइ, ६ श्रीमती र उनीहरूबाट जन्मिएका ६० भन्दा बढी सन्तानले नेपाल र भारत दुवै देशको नागरिकता लिएको, दुवै देशमा अर्बौँको सम्पत्ति आर्जन गरेको तथा प्रभाव र पहुँच प्रयोग गर्दै सीमापार गतिविधि सञ्चालन गरिरहेको आरोप बाहिर आएको हो।यो विषय केवल व्यक्तिगत कानुनी उल्लङ्घनमा सीमित नभई राज्यको सार्वभौमिकता, सीमापार सुरक्षा र कानुनी शासनमाथि प्रत्यक्ष प्रश्न उठाउने प्रकृतिको देखिएको छ।प्रारम्भिक रूपमा सार्वजनिक विवरणअनुसार नागेन्द्र यादव र श्रीमती राबडी देवी, ओम प्रकाश यादव र श्रीमती अनिता यादव तथा रामप्रकाश यादव (स्व. लालबाबु यादव भनिने) र श्रीमती रानी यादवको नाम यो सञ्जालसँग जोडिएको दाबी गरिएको छ। स्रोतहरूका अनुसार एउटै परिवारभित्र व्यवस्थित रूपमा द्वैध नागरिकता लिने, सम्पत्ति एक देशबाट अर्को देशमा स्थानान्तरण गर्ने तथा प्रभावको आडमा कानुनी प्रक्रिया प्रभावित पार्ने प्रयास भएको आशंका गरिएको छ।कानुनविद् र सुरक्षा विश्लेषकहरू भन्छन्—यदि प्रभावको दुरुपयोग गरी नागरिकता ऐन, सम्पत्ति ऐन तथा प्रशासनिक संयन्त्रमा खेलवाड भएको पुष्टि भयो भने यसले कानुनको शासनलाई कमजोर मात्र पार्दैन, राज्य संयन्त्रप्रति नागरिकको विश्वास नै हल्लाउन सक्छ। उनीहरूका अनुसार यस्ता प्रकरणमा ढिलाइ वा मौनता स्वयंमा शंकालाई बल दिने तत्व बन्न सक्छ।यसबीच सम्बन्धित पक्षले आफूहरू निर्दोष रहेको दाबी गर्दै आवश्यक परे प्रमाण प्रस्तुत गर्न तयार रहेको जनाएको स्रोतको भनाइ छ।अब सबैको ध्यान नेपाल प्रहरी तर्फ केन्द्रित भएको छ। नागरिक समाज, कानुन व्यवसायी तथा सरोकारवालाहरूले तत्काल, निष्पक्ष र पारदर्शी छानबिन, आवश्यक परे सीमापार सुरक्षा निकायसँग समन्वय, र दोषी प्रमाणित भएमा कडा कानुनी कारबाहीको माग गरेका छन्।राष्ट्रमाथि खेलवाड सह्य हुँदैन—तर आरोप र आशंकाको सत्यता पुष्टि गर्न विधिसम्मत, प्रमाणआधारित र निष्पक्ष अनुसन्धान अनिवार्य छ। अब प्रश्न एउटै छ—सत्य कहिले र कसरी बाहिर आउँछ? स्रोत:अग्निपथ मिडिया