बाँके । जाजरकोट भेरी नगरपालिका वडा नम्वर ४ घर भएका प्रहरी जवान तिलक सुनार प्रतिबन्धित लागुऔषध सहित नेपालगन्जको जमुनाहा नाकाबाट पक्राउ परेका छन् । भारतको रुपैडियाबाट लागुऔषध लिएर आउँदै गर्दा २४ बर्षीय सुनारलाई लागुऔषध नियन्त्रण ब्युरो नेपालगन्जको टोलीले पक्राउ गरेको हो ।
सुनारले ज्याकेटको गोजीमा राखेर ल्याउँदै गरेको अवस्थामा प्रतिबन्धित लागुऔषध ६ सय ट्याब्लेट ट्रामाडोल नामक लागुऔषध बरामद भएको ईलाका प्रहरी कार्यालय जमुनाहाका प्रहरी नायब निरीक्षक (सई) नविन रिजालले जानकरी दिए ।
पैदल हिडेर आउँदै गरेका सुनारको व्यवहार शंकास्पद लागेपछि लागुऔषध नियन्त्रण ब्युरो नेपालगन्जको टोलीले चेकजाँच गर्ने क्रममा उनको साथबाट लागुऔषध बरामद भएको हो ।
काठमाडौ उपत्यका प्रहरी शुरक्षा गण त्रिपुरेश्वरमा कार्यरत प्रहरी जवान सुनार कार्यरत छन् ।
