एभेरेष्ट बैंक लिमिटेडको ताकेताले गर्दा ऋणीले आत्महत्या गरेको भन्दै बाराको कलैया सोमवार प्रर्दशन गरिएको छ ।
दुर्गा प्रसाई नेतृत्वको राष्ट्रिय धर्म संस्कृति र नागरिक बचाउँ महाअभियानले कलैयामा नाराबाजी गर्दै महिलाहरूले ढुङ्गामुढा,तोडफोड साथै नाराबाजी सहित प्रदर्शन गरेका हुन् ।
प्रर्दशनकारीहरुले कलैया–बरियारपुर रोडमा रहेको एभेरेष्ट बैंक लिमिटेड कलैया शाखा कार्यालय अगाडि प्रर्दशन गर्दै शाखा कार्यालयमा ढुङ्गामुढा,तोडफोड समेत गरेका थिए । राष्ट्रियता,धर्म संस्कृति र नागरिक बचाउँ महाअभियान जिल्ला कार्य समिती बाराले कलैयामा बिरोध प्रर्दशन गरेको हो ।
उक्त प्रदर्शन र ढुङ्गा प्रहारबाट बैंकको अगाडिको सिसा फुटेको प्रहरीले जनाएको छ। एभरेष्ट बैंकबाट ऋण लिएका बर्दिया निवासी खुशीराम चौधरीलाई बैंकले गरेको पटकपटकको ताकेता सहन नसकेर २५ गते पासो लगाई आत्महत्या गरेका थिए ।
सोही विरोधमा अभियानले देशभरका विभिन्न शाखामा प्रदर्शन सहित ताल्चा लगाउने योजना रहेको अभियानबाराका उपाध्यक्ष बलिराम पासवानले बताएका छन ।
एभरेष्ट बैंक लिमिटेड र गरिमा विकास बैंकको चौतर्फी व्याज दर वृद्धि र टचरको कारण जिल्लामा रहेका ऋणीले उक्त प्रदर्शन गरेको पासवानले बताए ।
अभियानका जिल्ला अध्यक्ष धिरज प्रसाद केशरीले मृतक ऋणीलाई उचित न्यायसहित क्षतिपूर्ति,उनको बालबालिकाको पालनपोषणको जिम्मा भएन भने देशभरका एभेरेष्ट बैंकको शाखामा तालाबन्दी गर्ने चेतावनी दिएका छन । अध्यक्ष केशरीकै नेतृत्वमा गएका प्रदर्शनकारीले शाखा प्रमुखको पुतला जलाउन खोज्दा प्रहरीले जलाउन दिएको थिएन ।
प्रदर्शनकारीले लघुवित्त संस्था खारिज गर,२० लाखसम्मको ऋण मिनाहा गर,जग्गाजमिन,घरारी लिलाम गर्न पाईदैन,लिलाम गरेको जग्गा फिर्ता गर,हाम्रो बचत फिर्ता गर,२० लाख देखिको ऋिणीलाई ७% ब्याज दर कायम गर,८% भन्दा बढी लिएको ब्याज फिर्ता गर लगायतका नाराबाजी लगाउदै कलैया नगर परिक्रमा गरेका थिए ।
