बारा प्रहरीले ५३ लाख भन्दा बढीका अवैध सामानसहित ट्रक नियन्त्रणमा लिएको छ।
विशेष सूचनाको आधारमा कार्तिक ५ गते राति करीब ९:३० बजे बाराको पथलैया चोकमा प्रहरी चौकी पथलैयाबाट प्रहरी वरिष्ठ नायब निरीक्षक नरेश बहादुर शाहीको कमाण्डमा खटिएको प्रहरी टोलीले ना ३ ख ४३६३ नम्बरको ट्रक रोकी चेकजाँच गरेको थियो। पर्साबाट झापा जाँदै गरेको उक्त ट्रकमा बिल बिजकभन्दा बढी सामान रहेको भेटिएको र ती सामानहरूको स्रोत खुलाउन नसकिएको जनाइएको छ।
प्रहरीले अन्दाजी ५३ लाख ५२ हजार ६ सय ३५ रुपैयाँ बराबरको ओखर, मोबिल, कुर्सी, जाली, इलोक्ट्रोनिक्स सामान, पिटामरी लगायतका अन्य खुद्रा सामान ट्रकमा लोड गरिएको अवस्थामा नियन्त्रणमा लिएको हो।
आवश्यक कारबाहीको लागि सामानसहित ट्रकलाई राजस्व अनुसन्धान कार्यालय, पथलैया, बारामा बुझाइएको जानकारी बारा प्रहरीका प्रवक्ता डिएसपी प्रकाश सापकोटाले दिएका छन् ।
