बिरगंज । भाइटीका मनाउन भारतबाट नेपाल आउँदै गरेका दुईको कार दुर्घटना निधन भएको छ। दुर्घटनामा अन्य तीन जना घाइते भएका छन्।
भारतको बलरामपुरमा एक बससँग ठोक्किए भएको दुर्घटनामा कपिलवस्तु बाणगङ्गा नगरपालिका ९ बर्दहवाका दिनेश बेल्बासे र गैँडाकोट नगरपालिका वडा नम्बर ६ का अनिल सापकोटाको मृत्यु भएको हो।
भारतीय सुरक्षाकर्मीका अनुसार उनीहरु भारतको पन्जाब राज्यबाट बढ्नी नाका हुँदै घर फर्किरहेका थिए। दुर्घटनामा सवार मृतक बेल्बासेकी पत्नी शारदा, सोही ठाँउका टेकबहादुर र उनकी पत्नी धनकला घाइते भएको बलरामपुर प्रहरीले जनाएको छ। उनीहरुको स्थानीय अस्पतालनमा उपचार भइरहेको छ ।
