,२२ मंसिर ।जिल्ला प्रहरी कार्यालय बारा मातहतको इलाका प्रहरी कार्यालय प्रसौनीले लागूऔषध (ब्राउन सुगर) मुद्दाका फरार प्रतिवादीलाई पक्राउ गरेको छ। भारत बिहार राज्य मोतिहारी जिल्ला नकरदेही वडा नम्बर २ श्रीरिसिया माल टोलका ५० वर्षीय जाकिर हुसैनलाई प्रहरीले मिति २०८१ मंसिर २२ गते बिहान ९:३० बजे पक्राउ गरेको हो।
बारा जिल्ला अदालतको मिति २०८१ असार १४ गतेको आदेशानुसार फरार प्रतिवादीको खोजी गर्न गरिएको निर्देशनको आधारमा प्रहरी टोलीले हुसैनलाई बारा, परवानीपुर गाउँपालिका वडा नम्बर ५ स्थित एक अस्पतालको अगाडि सडकमा लुकिछिपी हिँडिरहेको अवस्थामा फेला पारी पक्राउ गरेको हो।
पक्राउ परेका हुसैनलाई आवश्यक कानूनी कारबाहीका लागि जिल्ला प्रहरी कार्यालय बारामा पठाइएको प्रहरीले जानकारी दिएको छ।
