बारामा सोमवार अपरान्ह आएको हावाहुरी सहितको वर्षाले विभिन्न क्षति भएको छ।
बर्षासंगै आएको हावाहुरीले जिल्लाका विभिन्न स्थानहरुमा रहेका रुखको हाँगा भाँचिएको छ भने विजुली पोलहरुमा समेत ढलेर क्षति पुगेको छ ।
केही दिनदेखी बारा सहित देशभर ‘यतिवेला हावाहुरी, चट्याङसहितको वर्षा भइरहेका छन । हावाहुरीले विभिन्न क्षति पनि भएको छ भने हावासंगै आएको बर्षाले बालीनालीमा राहत पुगेको छ ।
सोमवार आएको हावाहुरीका कारण जिल्लाका १६ वटै पालिकाहरुमा रहेका किसानहरुले लगाएको आँप,लिचि आदी बालीमा समेत क्षति पुगेको बारा महागढीमाई नगरपालिका बरियारपुरका एक किसानले बताए ।
बारा जिल्ला सहित देशका अधिकांश जिल्लामा लागिरहेको वन डढेलोका कारण वायु प्रदूषण बढेको थियो। तर अहिले भईरहेको वर्षाका कारण भने वायु प्रदूषण न्यूनीकरण हुने विज्ञहरु बताउछन छन ।
