२२ मंसिर,बारा । इलका प्रहरी कार्यालय बाराले झण्डै १ करोड २ लाख बराबरको ६० केजी चाँदी सहितको एक जना पुरुषलाई नियन्त्रणमा लिएको छ । प्रहरीले जीतपुर सिमरा उप- महानगरपालिका–२१ अमलेखगंज चेकमा इ. प्र.का ले स्कुटीलाई नियन्त्रणमा लिइ चेकजाँच गर्दा खुट्टा राख्ने ठाउँमा फल्स बटम बनाई ६० केजी चाँदी फेला परेको उक्त चाँदी र स्कुटी चालक जिल्ला बारा कलैया उ.म.न.पा ५ घुसुकपुर बस्ने अन्दाजी वर्ष ३६ का कर्म शाह सोनार लाई सामग्रीसहित पक्राउ गरेको हो ।
वीरगञ्जबाट हेटौडा तर्फ जाँदै गरेको बागमती प्रदेश ००५ प ३२६ नम्बरको स्कुटीमा चाँदी लिएर आएको भन्ने खबर पाएर नियन्त्रणमा लिइएको ईलाका प्रहरी कार्यालय अमलेखगंज बारा प्रहरी नायव निरीक्षक टेक बहादुर कार्कीले जानकारी दिनुभयो ।
नियन्त्रणमा लिएको थप अनुसन्धानको लागि जिल्ला प्रहरी कार्यालय कलैया लगिएको।
