जिल्ला प्रहरी परिसर काठमाडौंको टोलीले अनलाइन जुवाका साथै कृप्टो कारोबारमा संलग्न ११ जना भारतीय नागरिकलाई पक्राउ गरेको छ ।
बुढानीलकण्ठ नगरपालिका– ३ देउला टोलस्थित घर भाडामा लिई भारतीय नागरिकहरुले अनलाइन जुवा खेल्ने खेलाउने काम गरिरहेको भन्ने सूचनाको आधारमा ११ जना भारतीय नागरिकलाई पक्राउ गरेको हो ।
पक्राउ परेकाहरुलाई अनलाइन जुवा खेलिरहेको अवस्थामा नियन्त्रणमा लिई प्रहरीले प्रारम्भिक अनुसन्धान गरेको छ ।
उनीहरुले २ अर्ब रुपैयाँभन्दा बढी रकमको कारोवार हुनेगरी अनलाइन जुवा खेल्ने खेलाउने काम गरेको र ९६ लाख ३३ हजारभन्दा बढी रकम बराबरको कृप्टो करेन्सीको कारोबार समेत गरेको देखिएको जिल्ला प्रहरी परिसर काठमाडौंका प्रबक्ता प्रहरी वरिष्ठ उपरीक्षक विश्व अधिकारीले जानकारी दिनुभयो ।
